السلام عليكم ورحمة الله وبركاته
مســـــآآء/صبـــــآآح
الخيــر والــرضآ والســـرور
........
لو تذكرون سؤالي الي بالموضوع الاول[ايام اول] كان له قرنين وماهو بحيوان؟
عرفتوه؟؟
الجواب كانالبنت
بنات اول...
الفجر يصلون ويقومون لجل يبتدين اشغالهن
الظهر يطبخن الغدا ويغسلن الثياب
العصر يسوون قهوتهن ويتقهون ولا بغوا راحوا للجيران
المغرب يتمون اشغالهن ويقابلن رجالهن
العشا يسوون عشاهن وبعده ينامون الى الفجر
بنات اليوم...
الفجر نوم
الظهر نوم للساعه 1 ثم تصحى
العصر فرفره بالأسواق او تتبطح ع النت والاخلاق بطرف خشمها
المغرب تتفق مع خويتها عشان يطلعن باي مكان
العشا تطلع من البيت وماترجع الا على الساعه 11
انواعهن
الدلوعه/
لاااا ـي مااااامي..
حيوااناااا ماااحوووبتس..
يممممه بغى قلبي يتتتيح..
ابي اروووح السوووق بس بروح بشغالتنا لجل تشيل الي بشريه..
الخ الخ الخ
وهالنوعيه اصبحت قليله
طيب وش السبب؟؟؟
ظهور البويه
ياخي اقلبي وجهك لايجيك كف..
امس اكلم اخوي وتهاوشنا فجاه وقمت سطرته ولاقدر فيني..
وع يامصلك بس قسم انتي وهاللبس لو ماتتطسين من وجهي لأذكرك حليب امك..
أفزع لك لو مابغيت قسم انتي خليها علي بس وانا أوريك فيهن... او فيهم..<< عادي تتعامل مع الجنسين
الخ الخ الخ
الحين قولولي
عزيزتي الدلوعه
يوم انتس تتمصلين بهالشكل بالله كيف تحسين نفستس؟؟
تحسين انتس مرغوبه؟؟
عزيزتي البويه
وش تحسين بوه؟ يومتس مستويه رجال؟
........!
موقف مع بنات زمان
سالت جدتي..،
يمه من اكثر واحد من تحفادتس فرحتي بجيته؟؟!
وكنت شاقه الحلق هااااالكثر<< واثقه انه انا
قالت بابتسامه ومتجاهله جلوسي قدامها( تركي جعل عيني ماتذوق حزنه )
<< وجهي صار تسذا
قلت لها وباقي عندي بصيص امل : زين يمه الي بعده؟؟
كملت وهي باقي متجاهلتني [ريم ـي عسى ربي يوفقها ]
هنا بجد ضاع الأمل وقلت بانفعال
وانا يمه؟؟
طالعتني وابتسمت اييييه نسيييتتس
قهر
....
موقف مع بنات اليوم
سالت وحده مره وقلت
من اكثر إنسانه تحبيها،؟؟<<وبراسي ان الجواب امها
قالت
[ حبيبتي خويتي ] <<ياشيخه روحي موتي
....
الموضه الكوريه
*وه ـي زينهم يهبلوووووون احبببببهههههممم ليتني منهم
ياناس وش الي عجبكم فيهم؟؟
عيونهم الواسعة والا ديانتهم الكويسه والا وش باالضبط
بديتوا بتامر حسني واحمد حلمي
ثم بشاروخان واجاثا كريستي وسلمان خان
ثم جا مهند ويحيى ومراد
والحين جوا الكووورييين
بكره تشوفن بنقالي يسوي دعايه للمكانس وملابسه كشخه ورزه تقومون تخقن عليه!
رآحوا الطيبين
قبل كان لما الوحده تعطي صديقتها هديه
تأخذها وهي مستااااننسسسسه
اليوم لو تهدينها قالت ياكافي أكيد بها سحر
راحوآ الطيبين
انقلعي بس انقلعي اقول انقلعي لا اقوم لتس<<التهديد والسبه الوحيده الي كانت ع اللسان
اما الحين
حيوانه حماره تسلبه روحي موتي انزلعي ياتافهه يا اسمج مخلوقه... الخ
راحوا الطيبين
أنا بحط شي برأسي وانت قولي وش هو وانا بقول لونه لو صح بقولك<<اللعبه الممتعه ايام اول
الحين تعال نلعب قيمزر ولا نفرفر باليوتيوب وتويتر تراه يسلي والا نروح الملاهي والا والا وتصبح اللعبه الاولى تااااففهه
راحوا الطيبين
قبل لما يشوفوا بزارين يلعبوا بهبال يضحكوا عليهم ويقولوا كنا مثلهم زمان
اليوم لما احد يشوف بزر يسوي سوأته يقول عنه سامج
واكبر مثال نظرة بنات المتوسط لبنات الابتدائي ونظرة بنات الثانوي لبنات المتوسط
.........
هههههه ودمتم بود
*
