السلام عليكم
هلا حبايب قلبي شلونكم شخباركم ادري مشتاقين لي وكل واحد وده يعطيني بوسه ^_^
اعذروني صارت لي ظروف ولا قدرت ادخل
وها انا قد اتيت <<<<<<<<اقلط يالله حيوه
اليوم بقولكم قصص مختصره فيها الحلوه والزين صارت لي وان شاء الله تعجبكم واللي يدخل وماتعجبه يقول مشكور يانوفي ويتوكل على الله
بينمآ كان نوفي منسدح بغرفته ويفكر في مستقبــله ومشاريعه .. شووي
الا الجوال يدق .. القولون يتصل بك ... << هذا واحد من آصحابي آسمه
يوسف غثآ بقوه .. ومن كثر ماهو غاثني مسجل آسمه بجوالي القولون
المهم رديت عليه قلت شتبي قالي بقولك شي قلت آوكي قولي قال يانوفي
انا بسافر لحائل .. وبخلي التكسي عندك اخاف ينسرق ولا يصير فيه شي
آنت وقفه قدام بيتكم ولا اذا بتلفلف عليه لفلف قلت ياخي والله فكره زينه
هاته لي .. والله ويجيب لي التكسي ..
((عاد شوفو وش سويت ))
آول شي سويته رحت للآحلاق .. وضبط السكسوكه وصبغ السكسوكه
وستشوور الشعر آقولكم طلعت خقآق من آقولكم طالع نفسي بالمرايه ماعرفت
نفسي ههههههآي
المهم وروح للبــيت وطلع الجنز واكشخ آمي شكت فيني يآوليدي وين بتروح
عاد انا اصرف آقول يآميمتي تعرفت لي على حلاق تركي وتزوج بالرياض وبحضر
زواجه ولازم آلبس جنز قالت آمي آيه انتبه لنفسك ياوليدي من العين
عاد آكيد الشباب عارفين وليه كشخت البنات مو لازم يعرفون
قلت ماعليتس يآميمتي المهم وركب التكسي وطلع من حارتنآ ....!!
.
.
(( القصه الآولى آنآ والهندي ))
اول ماطلع من حارتنآ وحصل هندي يآشر .. ووقف عنده قالي آبغى مخرج 18 قلت اركب بس كم تدفع قال 20 قلت بقلبي آلعن آوم الفله اللي خسرته بالحلاق عوضته بدقيقه المهم يوم ركب معي وقصم قصمات بغيت انصرع واقف بالشمس له نص ساعه
له حوالي نص قرن عن المآء ماتروش واللي زاد الطين بله يوم رفع يده وحطها
على الكرسي حقي وقتها من جد قصم بالله عليه ريحه مركزه ولا ريحت عطر آلين النسائي ههههههههههههههآي المهم وصلنا لمخرج 18 بحفظ الله ورعايته ويطلع لي
100 ريال قلت ياخي ماعندي صرف قال انتظر شووي واجي قلت علينا هات الميه وروح جيب العشرين وتعال قال لا انتظر .. المهم قلت طيب بنزل معك ونزل معه
ودخل عزبة هنوود انواع الريحه وحالتي حاله وبفتح غرفته ويطلع صندووق
ويفتح الصندووق ويطلع بووك ويفتح البوك ويطلع خمسين قلت حيوان انت
اقولك مافيه صرف المهم وبعد طول عنا اخذته ورحنا صرفنا من مكان بعيد ونزلته
عند المحطه وتركته عكر مزاجي ههههههههههههآي
.
.
.
(( القصه الثانيه آنآ و هــن ))
المهم وانا راجع وآتمشى في جواء الرياض والمسجل شغال وحاط اغنية عباس ابراهيم من فاهم .. المهم على هالجوو الرومنسي وطالع لشارع الثاني وكآني شفت
زول بنت وديور من الاشاره يوم رجعت الا سوداني لابس بدله سودا ولا وقفت له
المهم كملت الطريق .. وحصل بنتين يآشروون يالربع قصم قصمات جتني آم الركب
من الخووف اوقف مآوقف .. بيني وبينكم البنات صواريخ والعين بحر غصب عنك تطالع والله وانآ آوقف .. قالت نبغى ريآض موول قلت آوكي آركبي قالت كم قلت بقلبي
وقصم لو تبغيني آوديك واعطيك انا فلوس عطيتك .. قلت اللي يجي ياوخيتي
قالت 25 قلت بس يلا مشينآ .. المهم انآ يوم وقفت قصرت صوت المسجل شووي
ونسيته وهم كانوو راكبين ورآ وسمعوو الصوت قالت طول ع الصوت شووي يوم قالت كذآ انا آصابتني القشعريره مآدري ليه .. آدور موضوع سالفه بدخل معهم فيها
قلت مشغل لبنى النسائي صدق سكرووه قالت مانعرفه وسكتت .. آدور موضوع ثاني شي قلت مالي الا موضوع الحفريات .. قلت اللي يهديهم البلديه مافيه شارع بالرياض الا كسرووه المهم والدوبيــه تمسك معي خط .. اول مافيه حفريات والحين كل شووي مكسرين الشارع .. وانا مسوي فيها يهمني مناظر شوارع الرياض
اي صح والله انك صادقه .. المهم يوم وصلنا الرياض مول قالت شووف بنعطيك
حسابك بس تنتضرنآ قلت اوكي انتضر وبس والله ووقف قدام السووق انتظر
آنتظر بالاخير طلعووو ورجعتهم لبيوتهم بس انا اخبر الحريم اذا مسكو خط بالسوالف مايسكتون موضوع ورا موضوع بس الي معي على الصامت تتوقعون ليش
(( آنآ والشايب ))
يؤؤؤؤ ماكرهت التكسي الا بعد الشايب ذآ وقفني شايب وقالي ياوليدي انا ركبت
معي تكسي هندي بروح سكت القطار ونسيت آوآرقي بالبيت والهندي نزلني هنا
آبيك توديني البيت اخذ الاوراق وتوديني لسكت القطار قلت آوكي ياليتني ماقلت آوكي
ركب معي طلع مايدل البيت جاي من الشرقيــه عند اخووه ويوصف لي يمين
يسار يمين يسار .. من حاره لحاره من شارع لشارع ويمسكني طريق الدايري
وبعدها الدمام آقوله دق على اخوك خله يوصف لي يقولي مايرد ودي انزله بس
عيب كبير وبنفس الوقت ودي آسطره هههههههآي المهم طلعنا على طريق الدمام
قلت انت وش فيك باقي عن التفتيش 20 كيلوو وين بيتكم بالصحراء ذي قولي
وين قال قريب من المكان اللي خذيتني منه قلت ياخي قولي من اول من اليوم
قالعنا لاخر الرياض واخرتها تقولي من المكان اللي خذيتني منه قال انت وش فيك
آعطيك فلووسك الله لايشكر لك فضل قلت آقول آسكت بس ورجع للمكان اللي خذيته منه بصرفه بنزله مافيه آمل ينزل بالاخير قلت له ياخي مابي منك شي انزل بس تكفى قال منزلني بمكان مافيه تكاسي قلت وش اسووي فيك من اليوم مدوخني
حتى بيتكم ماتعرفه المهم نزل وقال انقلع بس يوم قالها لي انا حقدت بيني وبينكم
من اليوم الفلف فيه الرياض كله واخرتها يقولي انقلع يوم نزل كان فيه ماء جنبه على الارض ودخل الحاره ولف من ورا وجي مره ثانيه ويشوفني ماعرفني حسباله
تكسي ثانيه وقرب له وادعس على البنزين بقوه وروشه بالماء ههههههههآي
وبكذى آخذت حقي وستانست
.
.
.
طيب آخذوو النكته ذي عن التكسي
.
يقولك فيه اربعه اتفقو انهم يركبون تكسي ومامعاهم فلووس .. واتفقوو انهم يخلصون شغلهم
وبعدين ينحاشوون من التكسي المهم خلصوو شغلهم وقالو لتكسي وقف ووقف وكان الوقت اخر الليل .. ونحاشوو والدنيآ ظلام ودخلوو عماره جديده ماخلصت ومافيه احد ساكن فيها ويطلعون الدور الاول والثاني وقال واحد منهم ياعيال تتوقعون وش صار في راعي التكسي
قال واحد انا راعي التكسي بس قولولي ليه انحشتووو هههههه
.
.
.
المهم لاحد يفكر انه انا صاحب التكسي اللي انحاش معهم وقصم مو انا
.
.
.
كآن هنآ : صآحب السمو الملكي الامير نــوووفي حفظه الله
صآحب آجمل ضحكه حسب التصنيف العالي لضحكات الرومنسيه
آخر من قام بالتعديل همس الكون وعيونه; بتاريخ الأمس الساعة 04:01 PM. السبب: اضافة وسام
