العنوان على وزن وينك يادرب المحبه
ندخل في الموضوع بدون مقدمات ولا قرقر واجد
السبت الي طاف خذت لعيال وهلى حديقة دحل الحمام الجو رائع والناس مستانسه اطفال من كل الجنسيات اباء وامهات من كل الجنسيات الي قاعدين يسولوفون على الحشيش والي عالكراسي والي يلعبون عيالهم . عنصر واحد افتقدته وماشفته تخيلوا الحديقه فيها فوق 500 روح لكن هالعنصر ماشفته.
الجمعه الي قبلها كنت في الفيلاجيو مدينة الالعاب عالم وزحمه ويهال وحريم ورجال من كل الجنسيات ونفس الشي افتقدت هالعنصر وتمنيت اشوفه
في الجمعيه اتشرى اغراض البيت التفت يمين ويسار نفس الشي حريم ورجال من كل الجنسيات الا هالعنصر ماشفته .
معا ان هالعنصر متواجد بكثره في القهاوي والمجالس والشوارع والكشتات وارحلات . لكن معا العايله ولعيال نادر ماتشوفه نادر تشوفه يلعبهم ويلعب معاهم في المجمعات او الحدائق نادر تشوفه يشتري اغراض البيت في الجمعيات .
وينك ياسبع البرمبه
