.. كـل يـوم حـوادث بـسبب .. [ drift ]

-







.. الـسلام عـليكم ورحمة الله وبركـاته ..



للأسف حـنا شـعب نـستخدم أكثر الأشياء أستخدامها الخـاطء.
ولا نـحسن أستخدامها فـي الاشياء اللي تـنفعنا
عشان كيذا تـفوقوا عـلينا الغرب في كل الاشياء سواء في العلم ,
سواء في النظام أو الصناعه أو أو أو أو .....

مـشكله خـطيرهـ حـبيت أناقشها معكم بـشكل عـقلاني
وأشف أنها تـضرنا ماتنفـعنا

Drifting "

الدرفت رياضه عالميه مشهورهـ جداً
ما أنكر إني كنت من عشاقها جداً جداً جداً
يسوون لها مسابقات في الدول العالميه المتقدمه مثل
" اليابان - أمريكا - بـريطانيا " والكثيرررر
طبعا تكون في حلبه مخصصه و مجهز لـتستقبل الاشياء هاذي
قبل 8 سنوات في السعوديه محد يعرف شي اسمه درفت
وكانوا كلها تفحيط في تفحيط وكل يوم ناس متوفيه وحوادث
مجازر أعوذ بالله

في عام 2008 .
مجموعة شباب بدأو ينشرون هالرياضه في داخل مدينة الرياض
وكان كل نشاطهم في مخططات العماريه والجوهره .
بعيد عن الحوادث والطرق العامه وخفواً على أرواح الناس

فديو لمخطط العماريه يوضح كيف الطريقه اللي يمارسون فيها رياضتهم

كود:
[ندعوك للتسجيل في المنتدى أو التعريف بنفسك لمعاينة هذا الرابط]
تقريبا نفس الطريقه اللي يسونها الاجانب ونفس الشكل ولكن
أوسع من كيذا والجمهور له كراسي ويوجد سياراة أسعاف
يعني حلبه كامله

كل اللي فوق توضيح عشان الكل يعرف الفريق بين التفحيط والدرفت .


الحين للأسف أنقلبت الأيه صار الدرفت في الشوارع العامه والطرق المزدحمه
وصارت حوادث وحوادث بسببه وهذا ماهو درفت هذا تفحيط


وإذا سئلت واحد من هالمستسوقين يقول أدرفت يتفلسف عليك
وهو ماعنده ماعند جدتي يعدم خلق الله كل يوم بحوادث
وللأسف عندنا شعب ماع الخيل لشقرا
يحب التقليد وصار الوضع كله خربطه و مجازر لخلق الله
لأنهم ماعندهم نظام أغلب هالفيئه مراهقين
صار الواحد يخاف أنه يطلع من بيته بسبب هالناس
والله جد يجيب واحد يقبعك ونت في حال سبيلك
وينحاااش
الدوريات والشرطه ماقصرت لكن نبي جهود أكثر من كيذا نبي عقوبات صارمه

من مايذكر تفحيط حياة مول اللي صار أقسم بالله متخلفين
ناس مدري وش تحسس فيه خصوصاً الجمهور ,
كلهم بزراااان معطلين واقفين على الرصيف ويجي كل شوي واحد
ويوقف في نص الشارع ويسوي حبيتين لراعي السياره شوي الا يصدمه
أقسم بالله ماهو نافعك ولقبعك وتكسرت أو مت لاقدر الله

مايصير والله أنا أنقهرت في نفسي يوم شفت هشي

كود:
[ندعوك للتسجيل في المنتدى أو التعريف بنفسك لمعاينة هذا الرابط]
هذا رابط فديو التفحيط والجمهره اللي صارت عند حياة مول
لقيته في اليوتيوب محجوب
لأنه صارت بلاوي ذاك اليوم .

إقتباس »
.. آلسسلآم عليكم ورحمـة آلله وبركآته ..

أكيد اليوم الكل سمع أو شاف مـو آلحآدث آلحوآدث آلي صآرت ..
مانبي نقول فلان غلطان ولا فلان متهور كل شيء مقدر ومكتوب. بس دايم لازم نحمل الأسباب لو نلاحظ الفترة الأخيرة كلن قام يدرفت و إن جيت نصحتة سلك لك ومشي.

بالأخير ضاع شبابة علي شيء مايستأهل الشهرة ولا لقب ولا بيس مارح يفيدك هذا كله بالعكس كذا انت أنهيت حياتك و قطعت قلب امك عليك.
مانقول إلا الله يرحم إلي توفي رآعي آللومينآ
ويشفي إلي تضرر آلي صدمه رآعي آلكآبرس
??


اليوم يوم كئيب بالنسبة لأهل الدرفت
ايشششش حآآإإإصل بالظبط ..؟؟!!



لومينا وكابرس يتقاومون
قطعو الاشاره جايين من طريق الجامعه باتجاه الملك عبدالعزيز جنوب يمينهم حياة مول ديور بوجههم اكورد قاطع وصدم اللومينا خش عكس على الواقفين عند مبنى المساحه العسكريه وصدم مواتر وااااجد ومتسدحين انواع البشريه على الارض والوفيات ? واكثر ،،،
يوم مفجع لاهل الدرفت اليوم بحياة مول








الأمير نايف الله يحفظه درا باللي صار و أتذكر سمعت خبر أنه أجتمع
مع مدري شرطه الرياض ومسؤلين كثار
وأصدرو عقوبات شديدهـ على كل من تمسكه الشرطه وهو يفحط ,
ولكن للأسف ماسمعنا شي من هالعقوبات
الا أنهم أصدروا أوامر للمنتدى الرئيسي للدرفت
اللي هم الشباب اللي جابو الفكره عام 2008
وقالوا لهم لاتصدر أي توجيه رسمي في الرياض ,




بعدها أعجبتني شركة ريد بول بتنظيم أول مسابقة درفت في السعوديه
وجلب أشهر مدرفت في العالم ديفد فوجن

إقتباس »
[ندعوك للتسجيل في المنتدى أو التعريف بنفسك لمعاينة هذا الرابط]
شي كويس لوتقوم شركه مشهور بتنطظيم حلابات للدرفت
صح عندنا حلبت الريم لكن للأسف مشواااار
200 كيلو عن الرياض
صدقوني عندنا ناس أبطال في هالشياء موهبهم ما أستغلت أحسن أستغلال
صدقوني لوبنستغلها بتتغير أشياء كثيـرهـ
مشكلتنا في بلدانا العربيه أن المواهب ماتستغل أستغلالها الصحيح

على العموم الموضوع كان من زمان في خاطري
حبـيت أطرحه لكم لنقاش و أتمنى أن كون قد قدرت ونقلت لكم
الحال اللي عايشين في شبابنا

أرق تحياتي لكم