م اللى بيجرا
أنا قلبى عليل
والعسكر
ورونا الويل
والإعلام
شغال تضليل
وفساده
معشش وأصيل
وقضاءنا
خاضع وذليل
ولا عنده
ع القوة دليل
وبقينا
بنسيب الراس
وبقينا
بنمسك ف الديل
ويا شيخنا
عايزين تأويل
لقضية
أهل التمويل
دا العسكر
وف جنح الليل
حطلهم
كام قاضى بديل
ما تقولى
يا شيخنا التأويل
ولا كلام
العسكر يعنى
نتعبره
زى التنزيل
على كلا
الصبر جميل
الحزب
الإخوانى الوطنى
بقيادة
الأخ كتاتنى
بكلامه
ناوى يموتنى
ولا فالح
غير فى التهليل
ويناقش
مواضيع ثانوية
ويطنش
على كل قضية
محتاجة
لوقفة وتحليل
يا بلدنا
و قاتلنى ركوعك
وأنا عاجز
عن مسح دموعك
ودموعي
من قلبى تسيل
ودموعى
من قلبى تسيل
